كمية من الباستا حسب الرغبة
تغليها في ماء وملح ومغرف زيت حتى تطيب مالازمش تطيب بزاف حتى تبقى محافضة على شكلها
كي تطيب صفيها وزيديلها شوية جبن مبروش وهي سخونة حتى تتشربو خليها تبرد
زيديلها 3 ملاعق كبار خل وخلطي
زيديلها 2 ملاعق كبيرة تونة نتاع الزيت ماتصفيهاش خلي فيها شوية زيت لاننا ماراح نستعملو الزيت خلاص
وزيديلها 2 حبات بيض مغلية في الماء ومبروشة خشين وقيس ملعقة اكل من المعدنوس المقطع واللي تحب الحار تقلي قرن فلفل حار انزعيلو القشرة وقطعيه مربعات وزديه معاها وشوية جبن مبروش
خلطي الكل وزيدي شوية ملح حسب الرغبة وماتنسايش بلي التونة فيها الملح
قدميها مرشوشة بشوية قرويار ورشة من المعدنوس