سويسرول فايف ستار

المقادير

مقاس السينية
30 سم طول
25 سم عرض
2بيضات
2م ك سكر عادي
2 م ك فرينة
م ك نشاء
م ك ونص كاكاوو
نصف باكي خميرةحلوى
نخفق البياض والصفار كل وحده
البياض مع رشةملح
والصفار مع السكر والفاني



ومن بعد ننخل الفرينة مع النشاء والخميرة ونضيفهم على دفعات ونحرك بهدوء



نحط الخليط في سينية فرن مغلفة بورق الخبز والى الفرن



لانها طبقة رقيقة رح تطيب بالخف
غير تطيب ننزعها لانو ادا بالغنا في الطياب رح تتكسركي نجو نلووها
ايضا سر من الاسرار باه ماتتكسرش اثناء الطي لازم العجين مايكونش ثقيل بزاف

نلفها على فوطة مطبخ مندية بلطف ونغلقها ونحطها في التلاجة تبرد تماما



ونحضر الكريمة
كريمة الزبدة

كيلة زبدة طرية نستعمل لابال
نصف كيلة سكر قلاص
كميةمن الحليب
فاني
نضرب الزبدة وحدها مليييح حتى تبياض ويخف قوامها



نبدى باضافة السكر على دفعات ونخلط



تم الفاني واخير الحليب ونواصل الخفق حتى نتحصل على كريمة قوامها خفيف ولونها باهت



نخرج السويسرول ونفتحه ونحط كمية من الكريمة مليحة
لازم الكريمة تكون بكثرة



ونعاود نلفها





نحضر الشونتيي
ونطليها من فوق



نستعمل هد القمع للتزين





ونرش الكاكاوو بسخاء
لازم يكون من النوعية الجيدة



نحطها في الكونجلاتور مدة 10 د باه تتماسك ويسهل تقطيعها

باينة راكي حابة ديريه