مسابقة خاصة

اليوم راح تكون مسابقة على موضوع شباب ومهم في حياتنا

كامل الناس تعيشوا ويتكرر كل يوم في الدار في القراية في الخدمة في السوق ، في الشارع

كي نروحوا لضياف .... كي نكونا في قعدة مع احبابنا

المهم منطولش عليكم باه متزعفش (ع...ة ) ليقيتي الكلمة ياسمين ولا مازال

المسابقة اسمها : أسرار لغة الجسد

نفهموكم في العنوان قبل

أسرار لغة الجسد معنها les gestes لنديرهم بلا ما نهدروا كي نكونا مع الناس ولا وحدنا فهمتوا

راح نعطيكو des gestes وانتوما قولولي وشنوا السر كي نديروهم بمعنى علاش نديرهم وشنوا هي السبة

ساهلة نبداو

1- كاين ناس ينقروا بالأصابع على طابلة أو كرسي
2- كاين لي يبدا يحك في راسوا
3- بزاف منهم يبدا ياكل في ضفار تع صبعتيه
4- كاين في القراية ليضرب على جبهتوا مرة وزوج
5- كاين كي تهدر معاه يهز راسوا بزاف
6- عند الطفل الصغير نصيبوه يحك وذنيه
7- هذي تصيبوها عند بسمة المنتدى ديرها بزاف تحط يدها على خدها بزاف
8- كاين بزاف ليشبك يديه
9- ميخفاش عليكم كاين كي تكون تهدر معاه عينوا ترفرف بزاف
10- كاين لي الريق ينشفلوا ويبدا يمص في الريق
11- كاين ليعظ لسانوا بزاف وشواربوا
12- هذي تصيبها عند النساء بزاف طلع حواجبها للفوق

بزاف عليكم ... كاين بزاف المهم مشي يلزم جاوبوا على كلش ليعرف سؤال يجاوب عليه ولي يعرف كاش des gestes يقولنا عليهم

هدية راهي كبيرة ليجاوب أكثر راح تكون من بسمة المنتدى .... راح ديرلكم خبز طاجين تع الدار مطلوع ... ي
اسمين ماهيش معايا بصح راهي تقول متعرفش ديروا

سارة راهي تقول تعرف ياك انتوما قلتوا بلي شاطرة في الدار

نبقيكم على خير

السلام

1- كاين ناس ينقروا بالأصابع على طابلة أو كرسي_كاين اللي يسهاو و عقلهم يروح بعيد عليها يديرو هكذا

2- كاين لي يبدا يحك في راسوا_ بالاك يكون يخمم

3- بزاف منهم يبدا ياكل في ضفار تع صبعتيه_ اللي يدير هكذا يكون مقلقل راني متأكدة

4- كاين في القراية ليضرب على جبهتوا مرة وزوج_زعما يكون يفكر في كاش اجابة ولا كي يغلط في حاجة

5- كاين كي تهدر معاه يهز راسوا بزاف_هذا اما يكون انسان مقلق ولا طبيعة راحت فيه

6- عند الطفل الصغير نصيبوه يحك وذنيه_هذي نصيبوها بزاف عند الاطفال يعجبهم الحال بزاف كيما يقولو يستحلاو

7- هذي تصيبوها عند بسمة المنتدى ديرها بزاف تحط يدها على خدها بزاف_هذي كي يكون الواحد مشارك بحاجة في عقلو يديرها و لا يكونو عندو مشاكل


8- كاين بزاف ليشبك يديه_ بلاك طبيعة و خلاص

9- ميخفاش عليكم كاين كي تكون تهدر معاه عينوا ترفرف بزاف _كيف كيف اما طبيعة ولا يكون مريض

10- كاين لي الريق ينشفلوا ويبدا يمص في الريق_الناس كامل تصرالهم خاصة في رمضان

11- كاين ليعظ لسانوا بزاف وشواربوا_بلاك عقلية راحت فيه ولا انسان مقلق


12- هذي تصيبها عند النساء بزاف طلع حواجبها للفوق_المرأة كي تكون تهدر بحماس دير هكذا



راني جاوبت و معلباليش اذا راني فالصواب ولا لالا و الله أعلم

راح نجاوبك على لي عرفتهم
1- باش يجوزوا الوقت .
2- يخمم و لا يفكر في كاش حاجة .
3- يمل او ما يصيبش واش يدير ياكل ضفارتيه و لا راهو خايف .
4- ...........................................
5- ...............................................
6- ..................................................
7- الملل او تحلم .
8- ............................................
9- ..........................................
10- ...........................................
11 - ............................................
12- الزوخ .
هذا واش قدرت نجاوب .
شكرا .

2- كاين لي يبدا يحك في راسوا_ بالاك يكون يخمم
3- يمل او ما يصيبش واش يدير ياكل ضفارتيه بلاك يكون خايف


4- كاين في القراية ليضرب على جبهتوا مرة وزوج بلاك نسا كاش حاجة

5- كاين كي تهدر معاه يهز راسوا بزاف_هذا اما يكون انسان مقلق كيما باب و عمومي

6- عند الطفل الصغير نصيبوه يحك وذنيه_هذي نصيبوها بزاف عند الاطفال يعجبهم الحال بزاف كيما يقولو يستحلاو
6- عند الطفل الصغير نصيبوه يحك وذنيه_هذي نصيبوها بزاف عند الاطفال يعجبهم الحال بزاف كيما يقولو يستحلاو انا تصرالي كل يوم و عداك منصومش

11- كاين ليعظ لسانوا بزاف وشواربوا_بلاك عقلية و كيما انا نعظ شواربي بزاف

12- هذي تصيبها عند النساء بزاف طلع حواجبها للفوق_المرأة كي تكون تهدر بحماس دير هكذا

- كاين ناس ينقروا بالأصابع على طابلة أو كرسي ** كي يكونو يخممو في كاش حاجة
2- كاين لي يبدا يحك في راسوا ** كي ينسى حاجة ويحب يتفكرها
3- بزاف منهم يبدا ياكل في ضفار تع صبعتيه ** هاذي عادة سيئة ناتجة عن القلق
4- كاين في القراية ليضرب على جبهتوا مرة وزوج ** كي يحب يتفكر حاجة راهي على راس لسانو
5- كاين كي تهدر معاه يهز راسوا بزاف ** معنتها راك تهدر اهدر على روحك أنا مرانيش نسمع
6- عند الطفل الصغير نصيبوه يحك وذنيه ** كي الطفل الصغير ينعس يرجع يحك في وذنيه
7- هذي تصيبوها عند بسمة المنتدى ديرها بزاف تحط يدها على خدها بزاف ** نكون غارقة فالتفكير
8- كاين بزاف ليشبك يديه ** اللي ميتحكمش في يديه هاذي يعملها باش يشد روحو شوية
9- ميخفاش عليكم كاين كي تكون تهدر معاه عينوا ترفرف بزاف ** معنتها هاذ الإنسان راه مبرونشي معاك
10- كاين لي الريق ينشفلوا ويبدا يمص في الريق ** باين هاذا يهدر بزاف حتى الناس يكرهو منو
11- كاين ليعظ لسانوا بزاف وشواربوا ** الغيورين هما اللي يعملوها
12- هذي تصيبها عند النساء بزاف طلع حواجبها للفوق ** النسا ما يخفا عليهم حتى شيئ والمرأة اللي تعمل هاذ الحركة تعرف بلي راهي رطات كاش خبر

*** أما على الحركة اللي نزيدها واللي يعملها فتحي هو أنه كي يكلمو شخص معين يسرح معاه ***
يا فتحي يا سرحان