دخول اجباري و يومي

اليوم تفاجات جدا دخلت كالعادة الى لعبة ايمان لعبة مسلية للضحك فقط ههههههههههه فتفاجات لما رايت قول بسمة المنتدى العصفورة انه هذا المنتدى عنده عامين و لم يتطور بعد كلام نادر حقيقة لذا قلت يجب ان نطور المنتدى بافكاركم طبعا لنسعد اختنا سلمى بموافقتكم شرط ان يتطور هذا المنتدى بسرعة فائقة ليس عامين كما قالت العصفورة و من لا يريد المشاركة بكل بساطة اقول له شكرا على الدخول . ارجو التفاعل . اريد اسعاد صديقتي العصفورة و لكم الخيار ان اردتم او لا في تطوير المنتدى . سلااام .

ما فهمت والو

انا اريد ان اطوره

سوف اقوم ب100 مساهمة في الاسبوع

وااااو زعما تقدريلها ؟؟؟؟

ايه نقدرلها و علاش مانقدرلهاش

اعطينا بعض الأفكار يا ياسمين

صح عطيلنا افكار و احنا اومبعد نطبقوا برك

وشنو افكار ؟؟؟؟؟؟ ههههه لالا حنونتي نتي جيبي افكار انا انا نطبق برك ما نخممش لالا خاطيني نحالي الطبيب التفكار نونو نونو ما نفكرش هه صارة اينشتاين قوليلها تعطيلك شويا من افكارها الجنونية لي ديرهم في الدار هيا مخها يخدم

  راسي راهو مبلوكي ما حبش ياكتيفي اسمحيلي

ايدا حبيتي الكف نتاعي ياكتيفي الحاجة تمتم نجربهولك ؟؟؟؟؟؟؟؟؟؟؟

ايمان في هاد السمانة برك واسيتي 331 نقطة واش تزيدي كتر من هاك ؟

سارة الذكية هاتي شوية افكار

اوكي اوكي درك نعطيلكم :
نزيدوا في المساهمات بصح ماشي مساهمات هكداك برك نختار مواضيع مهمة و تفيد الجميع .
نضع مسابقات فكرية و تكون بسمة المنتدى هي المسؤولة و الفائز ستزيد له عددا من النقاط .
يجب على كل الاعضاء الدخول للمنتدى ولو لساعة في الاسبوع .


ما رانيش قادرة نفكر درك تومبعد نزيد نخمم

اوكي

لست مبالغ .. لكن أجد هذا المنتدى جيد على كل حال مقارنة بما كان في الأول ... ومقارنة مع بعض المنتديات على الأقل هو محترم وفيه افادة وصدق .

وفيه عناصر وأعضاء ناشطين ولهم أفكار جميلة ورائعة ... رغم صغر سنهم ... مواضيع جميلة فمثلا الطائر المجنح يقدم مواضيع قيمة ... أحيانا تحسب أن سنها أكبر بكثير من العمر الفعلي .... اظافة الى سارة وياسمين وباقي الأعضاء فلهم مشاركات في المستوى .
لكن أجد كملاحظة المبالغة نوعا ما في منتدى الدردشة والفكاهة .فأحيانا تكون السخرية فيها أكثر .. وهذا منهي عنه في ديننا الحنيف ان كنتم تحبون الله والرسول صلى الله عليه وسلم ... ولا أشك في حبكما لهما .اظافة الى الصور التي تسخر من بعض الحيوانات حتى الإنسان . الله خلق الخلق في أحسن الصور ... فلا يحق لنا تشويه الصور والسخرية بدافع الضحك .... سواء صور حيوانات او آدمية .
أرجوا أن تبتعدوا عن هذا ... مفهوم .
سنطرح موضوع جديد : اسمه " شبكة الملاحظات "

ساعطي لكم موضوع : وكل واحد منكم يتحرى عنه ويقدم لنا أهم الملاحظات التي جمعها .

1 - قاعة الحفلات بمعنة الأعراس

أعطونا ملاحظتكم مثلا : كيف هي حال الأعراس .... الكلام المتداول .... الأشياء التي ترونها غريبة ... أو غير مقبولة

تصرفات لم تعجبكم .... هل فيها تبذير ......

أنتم أحرار في ملاحظاتكم الشخصية لا نريد نقل أكرر .... لا تركزوا فقط على السلبيات بل الإيجابيات أو السلوكات الجيدة .

ننتظر مشاركة الكل : الأول الذي يجيب يختار لنا الموضوع الثاني : فيما بعد

بالتوفيق

رمضان كريم

على حساب ما نسمعهم يحكو ، يقولو اعراس بكري خير من اعراس ضرك
اعراس ضرك تجي الصغيرة والكبيرة ، اما على حسابهم بكري كانو غير الكبار اللي يضرو
اما على الاغاني ، مكاش احترام
حتى التباهي بالحلويات ، رجعو يديرو بزاف انواع حتى لو كلفهم ثمن غالي
بينما بكري كانو يكتفيو بالقليل
انا منشوفش اجابيات في اعراس اليوم

مقدرتش نعطيكم موضوع ، راهو مخي حابس
معليش حطو موضوع في بلاصتي

خلاص درك انا نحط موضوع : التبذير في رمضان

التبذير في رمضان فيه هدرة بزاااف

ايه و هاد الهدرة هي لي دوخني

الناس يرجعو يشرو كل حاجة بزاف
ممبعد يرميوها

ايه و شافوا بلي الجزائريين هو الاكثر تبذيرا في رمضان

ساطرح لكم موضوع عن : القلق في رمضان

الجزائريين بزاف مقلقين في شهر رمضان تصيبيهم مقلقين في الدار في المارشي في الخدمة في كل بلاص لازم يكونوا مقلقين . و دايما يداوسوا مع الناس و يطيحوا في المشاكل اومبعد كي تسقسيهم يقولولك راني صايم

خصوصا اثناء السياقة ولما يكون ازدحام
يكون هناك خطر على السائق وخطر على الراجلين