بوقالات...

1\ خمري يا خمري، يا مربع القد، حواجبك توت و عينيك ياقوت، نديك غير انت، و اللي بغى يموت غير اكسل رجليه و يموت.

2\ زهري في الكاس كل ليلة بيها وناس، كي نشوفها في منامي ما يضياق بها حالي، كي نشوفها في الصباح قلبي يرتاح، و كي نشوفها كل يوم ما نعيش مهموم.

3\ يا شمس واشبيك ذابلة، ايلا بيك على الزين راني عليك نهدر، و ايلاا بيك على الزواج غير انت اللي نديك.

4\يا حب الملوك اللي مصدر في وراقو، نموت على حبيبي و ما نصبر على فراقو.

5\جاري يا جاري، يا اللي دارك مقابلة داري، هذا شحال و عيني في عينك، و ما نجمتش نبوحلك باسراري.

6\الزواج بوليد العم زواج الزيار، و الزواج بوليد الخال حرقة و نار، و الزواج بالغريب كلي يشرب الحليب في فنجان الفخار.

7\محبوبي غاب عليا حتى دمعو عينيا، من صابو معايا و نكملو الحكاية، حبي ليه عمرو ما كان دعاية، بحق الملح و الطعام اللي بيناتنا.

8\ اذا انت ليل انا نجمة تضويك، و اذا انت بحر لنا موجة تقويك، و اذا انت ربيع انا وردة فيك، حلفت ميات يمين غير انا اللي نديك.

9\ كي يربع الربيع اللوز يفتح ازهاره، كي يعسعس الليل القمر يتفضح بانواره، هذوك الخدود يا ناس واش بيهم اعكارو، هيهات العاشق ما تخفى اسراره.

10\ قالولي شكون سعدك، قلت لهم سعدي مع الل عينو كحلة و قدرو عالي، قالولي هذا راهو بعيد، قلت لهم نصبر و نستناه حتى يعود كسبي و حلالي.

بسم الله بديت، و على النبي صليت، عيطت يا خالقي يا مولايا حتى يكملي واش نويت...

5\جاري يا جاري، يا اللي دارك مقابلة داري، هذا شحال و عيني في عينك، و ما نجمتش نبوحلك باسراري.

8\ اذا انت ليل انا نجمة تضويك، و اذا انت بحر لنا موجة تقويك، و اذا انت ربيع انا وردة فيك، حلفت ميات يمين غير انا اللي نديك.

4-\يا حب الملوك اللي مصدر في وراقو، نموت على حبيبي و ما نصبر على فراقو.