التلاميذ والأساتذة

زمان كانو التلاميذ يحشمو بزاف من الأساتذة وكانو يخافو منهم حتى لو كانو مظلومين

أما الآن وفي وقتنا أصبح التلاميذ يشتمون أساتذتهم رغم أنهم هم المخطئون

راني حايرة شفت بزاف حالات

وصل الأمر حتى باش تضرب البنت أستاذها وتقولو كلام بذيئ

يا ستار أستر

ايه يا البسمة هاديك نية زمان تع الطفلة المربية والحشامة تمشي وخايفة من ضلها

كانت الطفلة تقرى عند يماها قبل المدرسة .... وتسمع كل يوم منها كلام رزين زمعقول : يا بنتي نوصيك

لا تكذبي ياك الكذب ما يبني خيام .... يا بنتي لا تسبي ياك السب ما يرفع قدر

يا بنتي أحشمي ياك الحشمة سترة في الدنيا وفي الآخرة
يا بنتي أخفظي لسانك يصونك ...

وهكذا كل يوم توصيها

البنت تكبر بوصاية يماها وتستعقل ... وتفهم وتتربى برزانة العقل

كي تروح للمدرسة ما تشوف منها لا ولا شر ... شادا قدر وهمة .... تحسبها قمرة ولا نجم في السماء في القدر

مي اليوم واش نقول ... البنت ولات رجلة ... و فحلة .... تركت تربية زمان وتشبهت بالعديان
عادت تسب وتجهر والناس تسمع .... صوتها يعلي في كل مكان .... ضيعت مشيتها وحشمتها
متعرف قدر ...وفي المدرسة بلية على المعلم والأستاذ
على حساب رأيي غلطة الوالدين بالدرجة الأولى

السلام

ما عندها لا حشمة لا قدر ...

صح عندك الحق لكني انا اخجل كثيرا . لكن صحيح هناك تلاميذ يتوصلون لدرجة ضرب معلميهم ( لا اتكلم عن اعضاء المنتدى ) .
صحيح هناك اولياء ماعلابالهومش كامل بولادهم بصح كاين صنف اخر من الاولياء يتابعون اولادهم في دروسهم من المرحلة الابتدائية حتى المرحلة الجامعية و اكثر و كل يوم يعطون دروسا لاولادهم و ينصحونهم بالخجل و ترك ضرب المعلمين و عدم التكلم معهم بطريقة غير مؤدبة .
بصح دركا حتواحد ما علابالو بوليدو غير شويا من الاولياء يعرفوا صلاحهم . واش حبيتي نقول .
الله يهديهم برك .

يه يعطيك الصحة يا ياسمين .
هاد الموضوع موضوع مهم جدا . و تلاميذ هاد الوقت ( الا القليل ) لا يكنون لاساتذتهم اي احترام او تقدير . و يصلون الى حد ضربهم و شتمهم ايضا . اين هي كرامة الاستاذ ؟
و خاصة ان الاساتذة يتعبون في تعليمهم و تثقيفهم . و هذا يعود للاولياء الذين لا يهتمون باولادهم و لا يربونهم تربية حسنة و لا يتابعونهم في دروسهم .
و هذا ما يكون خطا كبيرا يروح ضحيته الاساتذة و ربما التلميذ ايضا . اذ سيتفير سلوكه شيئا فشيئا الى سلوك سيء .
الله يهديهم برك .

كل نقاشاتكم على صواب

شكرا على التفاعل

ايه وراهي عقل زمان تلميذ يستحي من المعلم حتى و يصيبو خارج المؤسسة يخاف منو مي دوكا تبدل كلشي ايه ربي يهدينا

ربي يهدينا