كلام جدودنا

موضوع شباب هذا اذا تفاعلتوا معاه

كلام جدودنا هذا هو عنوان الركن الجديد

باش تفهموا فكرة الموضوع أسمعوني كامل

نسمعوا ناس بكري وعجايزنا وجدودنا لحيين الله يطول الأعمار بالطاعة ولماتوا الله يرحمهم برحمة الله
وانتوما الله يرفع قدركم ويرضيكم بوالديكم

المهم

يقولوا: الكلام بالأمثال كالملح في الطعام

مطلوب من زينة كلامكم وخفة روحكم تحدثونا عن أمثال سمعتوها من والديكم جداتكم أصحابكم المهم متكونش مسروقة من نت
كل واحد فيكم يعطينا مثل .... واحنا نعلقوا عليه على حساب فهامتنا

وكل مثل ديروه أنووه على كاش واحد هو ليفهمكم فيه من الأعضاء

حاجة ساهلة

المثل التاعي راح يكون على المرأة الجميلة و الذميمة ويقول : الحلوة حلوة ولو قامت من النوم، والوحشة وحشة ولو استحمت كل يوم

وهذا المثل راح تعلق عليه البسمة


في الختام نقولكم يومكم مزيان و معطر بالريحان و الياسمين

صليو على النبي المختار صلى الله عليه وسلم


السلام

اللهم صلي وسلم على سيدنا محمد صلى الله عليه وسلم

جدو راني فتحت قسم : كلام جدودنا ، راه تحت قسم المسابقات

همالا روح لثم ودير موضوع وحط فيه هذا المثل وممبعد انا رايحة نعلقك

ايه يا بنتي درتي اللسان ...وعدت تقولي لجدك وممبعد انا رايحة نعلقك

وين تعلقيني يا بنتي ؟؟؟؟