كمية من البطاطا حسب افراد عائلتك من الافضل تكون متوسطة ماشي كبيرة وتكون كلها من نفس الحجم تنقيها وتقسمي كل حبة على 2 عرضيا وتخويها من الداخل بملعقة حتى تولي طبقة رقيقة حتى تطيب بسهولة مالازمش تخليها خشينة
ماترميش هاد البطاطا حطيها في كيس وندخلها للكونجي لاتور وكي نجي نعمل لاسوب نحطها مع باقي الخضار ولا ممكن تستعمليها لوصفة أخرى
اقليها في زيت غزير على نار متوسطة حتى تطيب من الجيهتين وديريلها شوية ملح وحطيها فوق ورق طبخ تتقطر
الحشو
حبة بصل قطعيها مربعات صغيرة وقليها مليح مع زيت وشوية ملح وزديلها لحم مفروم وكي تقلى الكل طفي النار وزيدي شوية من الحشو اللي نحيتيه من البطاطا وقليه
وجدي صوص بيشامال عادي وزديلها جبن
وخلطتها مع الحشو
املئي بيها البطاطا ودريلها شوية جبن من فوق وحطيتها في مول فيه نصف كاس كريمة سائلة ولا حليب ودخليها للفرن شوية من تحت
وكي تنشف الكريمة خليها غير من فوق حتى تتحمر وقدميها